๕. สัมมุขาถวิกเถราปทาน (๑๒๕) เล่ม ๓๒

ชั้นตัวบทพุทธพจน์ข้อ ๑๒๗ (ฉบับหลวง)ลำดับ ๕/๑๐ ในเสเรยยกวรรคมี ๔ ฉบับ

สัมมุขาถวิกเถราปทานที่ ๕ (๑๒๕)

ว่าด้วยผลแห่งการชมเชยพระพุทธเจ้า

พระสุตตันตปิฎก ขุททกนิกาย อปทาน เสเรยยกวรรค สัมมุขาถวิกเถราปทาน (๑๒๕) (ฉบับหลวง เล่ม ๓๒ · ฉบับมหาจุฬาฯ เล่ม ๓๒ · ฉบับมหามกุฏฯ เล่ม ๗๑ · ฉบับเฉลิมพระเกียรติ เล่ม ๓๒)

ข้อ ๑๒๗

บาลี (สยามรัฐ)

ชายมาเน วิปสฺสมฺหิ นิมิตฺตํ พฺยากรึ อหํ

นิพฺพาปยํ จ ชนตํ พุทฺโธ โลเก ภวิสฺสติ ฯ

ยสฺมึ จ ชายมานสฺมึ ทสสหสฺสี ปกมฺปติ=

โสทานิ ภควา สตฺถา ธมฺมํ เทเสติ จกฺขุมา ฯ

ยสฺมึ จ ชายมานสฺมึ อาโลโก วิปุโล อหุ

โสทานิ ภควา สตฺถา ธมฺมํ เทเสติ จกฺขุมา ฯ

ยสฺมึ จ ชายมานสฺมึ สริตาโย น สนฺทิสุํ ๑

โสทานิ ภควา สตฺถา ธมฺมํ เทเสติ จกฺขุมา ฯ

ยสฺมึ จ ชายมานสฺมึ อวีจิคฺคิ น ปชฺชลิ

โสทานิ ภควา สตฺถา ธมฺมํ เทเสติ จกฺขุมา ฯ

ยสฺมึ จ ชายมานสฺมึ ปกฺขิสงฺโฆ น สญฺจริ

โสทานิ ภควา สตฺถา ธมฺมํ เทเสติ จกฺขุมา ฯ

ยสฺมิญฺจ ชายมานสฺมึ วาตกฺขนฺโธ น วายติ

โสทานิ ภควา สตฺถา ธมฺมํ เทเสติ จกฺขุมา ฯ

ยสฺมิญฺจ ชายมานสฺมึ สพฺพรตนานิ โชติสุํ

โสทานิ ภควา สตฺถา ธมฺมํ เทเสติ จกฺขุมา ฯ

ยสฺมิญฺจ ชายมานสฺมึ สตฺตาสุํ ปทวิกฺกมา

โสทานิ ภควา สตฺถา ธมฺมํ เทเสติ จกฺขุมา ฯ

ชาตมตฺโตว สมฺพุทฺโธ ทิสา สพฺพา วิโลกยิ

วาจาสภิมุทีเรสิ เอสา พุทฺธาน ธมฺมตา ฯ

สํเวชยิตฺวา ชนตํ ถวิตฺวา โลกนายกํ

สมฺพุทฺธํ อภิวาทิตฺวา ปกฺกามึ ปาจินามุโข ฯ

เอกนวุเต อิโต กปฺเป ยํ พุทฺธมภิโถมยึ

ทุคฺคตึ นาภิชานามิ โถมนาย อิทํ ผลํ ฯ

อิโต นวุติกปฺปมฺหิ สมฺมุขาถวิกวฺหโย