ปัคคหกถา เล่ม ๓๗

ชั้นตัวบทพุทธพจน์ข้อ ๑๖๔๖–๑๖๕๓ (ฉบับหลวง)ลำดับ ๒/๑๐ ในวรรคที่ ๑๖มี ๔ ฉบับ

_______

๑๖. โสฬสมวคฺค

(๑๕๗) ๒. ปคฺคหกถา

๒. ปัคคหกถา (๑๕๗)

ว่าด้วยการบังคับจิต

พระอภิธรรมปิฎก กถาวัตถุ วรรคที่ ๑๖ ปัคคหกถา (ฉบับหลวง เล่ม ๓๗ · ฉบับมหาจุฬาฯ เล่ม ๓๗ · ฉบับมหามกุฏฯ เล่ม ๘๑ · ฉบับเฉลิมพระเกียรติ เล่ม ๓๗)

บาลี (มหาจุฬาฯ) เล่ม ๓๗ หน้า ๔๓๗–๔๓๘ · ไทย (มหาจุฬาฯ ๒) เล่ม ๓๗ หน้า ๗๘๙–๗๙๑

ข้อ ๗๔๕

บาลี (มหาจุฬาฯ)

*ปโร ปรสฺส จิตฺตํ ปคฺคณฺหาตีติ? อามนฺตา. ปโร ปรสฺส จิตฺตํ มา รชฺชิ, มา ทุสฺสิ, มา มุยฺหิ, มา กิลิสฺสีติ ปคฺคณฺหาตีติ? น เหวํ วตฺตพฺเพ ฯเปฯ

*ปโร ปรสฺส จิตฺตํ ปคฺคณฺหาตีติ? อามนฺตา. ปโร ปรสฺส อโลภํ กุสลมูลํ ชเนติ, อโทสํ กุสลมูลํ ชเนติ, อโมหํ กุสลมูลํ ชเนติ, สทฺธํ ชเนติ, วิริยํ ชเนติ, สตึ ชเนติ, สมาธึ ชเนติ, ปญฺญํ ชเนตีติ? น เหวํ วตฺตพฺเพ ฯเปฯ

*ปโร ปรสฺส จิตฺตํ ปคฺคณฺหาตีติ? อามนฺตา. ปโร ปรสฺส อุปฺปนฺโน ผสฺโส มา นิรุชฺฌีติ ปคฺคณฺหาตีติ? น เหวํ วตฺตพฺเพ ฯเปฯ ปโร ปรสฺส อุปฺปนฺนา เวทนา ฯเปฯ อุปฺปนฺนา ปญฺญา มา นิรุชฺฌีติ ปคฺคณฺหาตีติ? น เหวํ วตฺตพฺเพ ฯเปฯ *ปโร ปรสฺส จิตฺตํ ปคฺคณฺหาตีติ? อามนฺตา. ปโร ปรสฺส อตฺถาย ราคํ ปชหติ, โทสํ ปชหติ, โมหํ ปชหติ ฯเปฯ อโนตฺตปฺปํ ปชหตีติ? น เหวํ วตฺตพฺเพ ฯเปฯ

*ปโร ปรสฺส จิตฺตํ ปคฺคณฺหาตีติ? อามนฺตา. ปโร ปรสฺส อตฺถาย มคฺคํ ภาเวติ, สติปฏฺฐานํ ภาเวติ ฯเปฯ โพชฺฌงฺคํ ภาเวตีติ? น เหวํ วตฺตพฺเพ ฯเปฯ

*ปโร ปรสฺส จิตฺตํ ปคฺคณฺหาตีติ? อามนฺตา. ปโร ปรสฺส อตฺถาย ทุกฺขํ ปริชานาติ ฯเปฯ มคฺคํ ภาเวตีติ? น เหวํ วตฺตพฺเพ ฯเปฯ

*ปโร ปรสฺส จิตฺตํ ปคฺคณฺหาตีติ? อามนฺตา. อญฺโญ อญฺญสฺส การโก, ปรํกตํ สุขํ ทุกฺขํ, อญฺโญ กโรติ อญฺโญ ปฏิสํเวเทตีติ? น เหวํ วตฺตพฺเพ ฯเปฯ

*ปโร ปรสฺส จิตฺตํ ปคฺคณฺหาตีติ? อามนฺตา. นนุ วุตฺตํ ภควตา:-

“อตฺตนาว กตํ ปาปํ ฯเปฯ นาญฺโญ อญฺญํ วิโสธเย”ติ. (๑) อตฺเถว สุตฺตนฺโตติ? อามนฺตา. เตน หิ น วตฺตพฺพํ “ปโร ปรสฺส จิตฺตํ ปคฺคณฺหาตี”ติ.

เชิงอรรถ (บาลี (มหาจุฬาฯ))

๑ขุ.ธ. ๒๕/๑๖๕/๔๖

ไทย (มหาจุฬาฯ ๒)