พระอภิธรรมปิฎก · วรรคที่ ๑๖

ปัคคหกถา เล่ม ๓๗

Text layerBuddha’s wordsItems ๑๖๔๖–๑๖๕๓ (Royal Thai)2/10 in วรรคที่ ๑๖4 editions

_______

๑๖. โสฬสมวคฺค

(๑๕๗) ๒. ปคฺคหกถา

๒. ปัคคหกถา (๑๕๗)

ว่าด้วยการบังคับจิต

พระอภิธรรมปิฎก กถาวัตถุ วรรคที่ ๑๖ ปัคคหกถา (Royal Thai Volume 37 · Mahachula Volume 37 · Mahamakut Volume 81 · Chaloem Phrakiat Volume 37)

บาลี (มหาจุฬาฯ), vol. 37, pp. 437–438 · ไทย (มหาจุฬาฯ ๒), vol. 37, pp. 789–791

Item 745

บาลี (มหาจุฬาฯ)

*ปโร ปรสฺส จิตฺตํ ปคฺคณฺหาตีติ? อามนฺตา. ปโร ปรสฺส จิตฺตํ มา รชฺชิ, มา ทุสฺสิ, มา มุยฺหิ, มา กิลิสฺสีติ ปคฺคณฺหาตีติ? น เหวํ วตฺตพฺเพ ฯเปฯ

*ปโร ปรสฺส จิตฺตํ ปคฺคณฺหาตีติ? อามนฺตา. ปโร ปรสฺส อโลภํ กุสลมูลํ ชเนติ, อโทสํ กุสลมูลํ ชเนติ, อโมหํ กุสลมูลํ ชเนติ, สทฺธํ ชเนติ, วิริยํ ชเนติ, สตึ ชเนติ, สมาธึ ชเนติ, ปญฺญํ ชเนตีติ? น เหวํ วตฺตพฺเพ ฯเปฯ

*ปโร ปรสฺส จิตฺตํ ปคฺคณฺหาตีติ? อามนฺตา. ปโร ปรสฺส อุปฺปนฺโน ผสฺโส มา นิรุชฺฌีติ ปคฺคณฺหาตีติ? น เหวํ วตฺตพฺเพ ฯเปฯ ปโร ปรสฺส อุปฺปนฺนา เวทนา ฯเปฯ อุปฺปนฺนา ปญฺญา มา นิรุชฺฌีติ ปคฺคณฺหาตีติ? น เหวํ วตฺตพฺเพ ฯเปฯ *ปโร ปรสฺส จิตฺตํ ปคฺคณฺหาตีติ? อามนฺตา. ปโร ปรสฺส อตฺถาย ราคํ ปชหติ, โทสํ ปชหติ, โมหํ ปชหติ ฯเปฯ อโนตฺตปฺปํ ปชหตีติ? น เหวํ วตฺตพฺเพ ฯเปฯ

*ปโร ปรสฺส จิตฺตํ ปคฺคณฺหาตีติ? อามนฺตา. ปโร ปรสฺส อตฺถาย มคฺคํ ภาเวติ, สติปฏฺฐานํ ภาเวติ ฯเปฯ โพชฺฌงฺคํ ภาเวตีติ? น เหวํ วตฺตพฺเพ ฯเปฯ

*ปโร ปรสฺส จิตฺตํ ปคฺคณฺหาตีติ? อามนฺตา. ปโร ปรสฺส อตฺถาย ทุกฺขํ ปริชานาติ ฯเปฯ มคฺคํ ภาเวตีติ? น เหวํ วตฺตพฺเพ ฯเปฯ

*ปโร ปรสฺส จิตฺตํ ปคฺคณฺหาตีติ? อามนฺตา. อญฺโญ อญฺญสฺส การโก, ปรํกตํ สุขํ ทุกฺขํ, อญฺโญ กโรติ อญฺโญ ปฏิสํเวเทตีติ? น เหวํ วตฺตพฺเพ ฯเปฯ

*ปโร ปรสฺส จิตฺตํ ปคฺคณฺหาตีติ? อามนฺตา. นนุ วุตฺตํ ภควตา:-

“อตฺตนาว กตํ ปาปํ ฯเปฯ นาญฺโญ อญฺญํ วิโสธเย”ติ. (๑) อตฺเถว สุตฺตนฺโตติ? อามนฺตา. เตน หิ น วตฺตพฺพํ “ปโร ปรสฺส จิตฺตํ ปคฺคณฺหาตี”ติ.

Footnotes (บาลี (มหาจุฬาฯ))

1ขุ.ธ. ๒๕/๑๖๕/๔๖

ไทย (มหาจุฬาฯ ๒)